එක්සත් ජනතා නිදහස් සංධානයේ ආණ්ඩුවක් , අගමැති නිමල් සිරිපාල !

අගමැති රනිල් වික‍්‍රමසිංහ මහතා එම ධුරයෙන් ඉවත් කර නව එක්සත් ජනතා නිදහස් සන්ධානය යටතේ නව අගමැතිවරයෙක් පත් කර ආන්ඩුව ගෙන යාමට එම සන්ධානය බහුතර බලය පෙන්වීමට සූදානම් වෙමින් සිටී.

පත්වන නව ආණ්ඩුවේ අගමැතිවරයා , නිමල් සිරිපාලද සිල්වා මහතා ලෙසටද සන්ධානය මේ වනවිට තෝරාපත් කර ගෙන ඇත.

මේ පිලිබඳ රහස් සාකච්ජාවන් පසුගියදා දයාසිරි ජයසේකර මහතාගේ සම්භන්ධීකරණය යටතේ , ඒ මහතාගේ නිවසේදීම පැවැත්වුනි.

මේ වන විටත් එක්සත් ජනතා නිදහස් සන්දානය විසින් පාර්ලිමේන්තුවේ බහුතර බලය පෙන්වීමට සූදානම් බව ජනාධිපතිවරයා වෙත දන්වා තිබේ.

මේ සඳහා ලබන 26 දින පාර්ලිමේන්තුව රස්කිරීමටද සැලසුම් කර ඇති බව වාර්තාවේ.

එක්සත් ජනතා නිදහස් සන්දාන මහ ලේකම් ඇමති මහින්ද අමරවීර මහතා විසින් ජනාධිපතිවරයා වෙත ලිපියක් යොමු කරමින් පෙන්වා දෙන්නේ තව දුරටත් රනිල් වික‍්‍රමසිංහ මහතා අගමැති ධුරයේ තබාගෙන කටයුතු කිරීමට සූදානම් නැති බවත් පාර්ලිමේන්තුවේ බහුතර බලය පෙන්වීමට සූදානම් බවත්ය.

ජනාධිපතිවරයා විසින්ද මෙම ඉල්ලීම පිලිගෙන ඇති අතර ඉදිරි දිනක හෝ දෙකක් කාලය ඇතුලතදී පාර්ලිමේන්තුවේ 113 දෙනෙකුට වැඩි පිරිසකගේ අත්සන් සහිග ලිපියක් ජනාධිපතිවරයා බාර දීමට නියමිතය.

එජාපය ඉවත් කරන සන්ධාන ආණ්ඩුවක් පිහිටුවන්නේ නම් විපක්‍ෂයේ සිට ඊට සහයෝගය ලබා දෙන බවත් ඉතා ඉක්මනින් පාර්ලිමේන්තු මැතිවරණයක් කැදවිය යුතු බවත් ඒකාබද්ද විපක්‍ෂය දැනටමත් සදහන් කර ඇත.

පාර්ලිමේන්තුවේ බහුකර බලය පෙන්වීම සදහා අගමැති රනිල් වික‍්‍රමසිංහ මහතාට ලබා දී තිබූ කාලය අද පස්වරුවෙන් අවසන් වී ඇත.

මේ අතර වාර්තා වන්නේ එක්සත් ජාතික පක්‍ෂයේ මැති ඇමතිවරුන් 30කට ආසන්න පිරිසක් නව ආණ්ඩුවට එක්වීමට නියමිත බවයි.

.

Reporter Author

Leave a Reply

This site uses Akismet to reduce spam. Learn how your comment data is processed.